Jadanik egiten ez den Irri edo jostaketa dantza bat da, Almute dantza familiakoa.
Ikus Baztango Saskito dantza
Saskitoa edo almutea ale-neurria da eta egurrez egina dago. Dantzatzeko ahoz behera jartzen da eta bere gainean doinuaren erritmoa eramaten da dantzan edota inprobisazioak egiten.
Aita Donostiak argitaratu zuen dantza hau bere Euskal Eres Sorta-n (Donostia, 1921, 172). Azkuek Urrotzen eta Bozaten jasotako bertsioekin badu harremana bertsoetan:
Sagarraren igarraren ostoaren
Puntaren puntan,
Txoriñoa zegoen kantari:
Ez, txiruliruli;
Bai, txiruliruli.
Nork dantzatuko du soñu ori ongi?
Abade jaunaren txerrie
Eper erreaz azie.
irakurri gehiago
I akulatxo,
Ni akulatxo,
Eragion aur ori, Katalintxo.
Alangoxia naiz,
Olangoxia naiz,
Alangoxen,
Olangoxen,
Frailia naiz, eta dantzatu naiz,
Eta modurik ez, eta jakin ez,
Egin ezak buelta bat «al reves»,
Beste bat «errebes».
