Lapurtarrak edo Baztandarrak jauzi luzea da. Beste jauzi luze asko bezala, ahanzturan erori zen XX. mendearen hasieran: “Lehendabiziko Mundu Gerraren inguruan ia-ia desagertuko da plazetatik” (Sagaseta, 2011, 227). Luzaiden lekuko bakarrak oroitzen zuen “Lapurtar-luziak bazirela eta Ezker airian izeneko urrats bat bazutela” (Sagaseta, 2011, 224). Beste toki batzuetan dantzatu izana oroitzen zuten. Horrek zalantzarako uneak uzten ditu eta ondorioz, bertsio ezberdinek osaera ezberdina daukate, doinuari dagokionez eta, beraz, urratsei dagokienez ere bai.
