Jadanik egiten ez den Irri edo jostaketa dantza bat da, Almute dantza familiakoa. Saskitoa edo almutea ale-neurria da eta egurrez egina dago. Dantzatzeko ahoz behera jartzen da eta bere gainean doinuaren erritmoa eramaten da dantzan edota inprobisazioak egiten.
Aita Donostiaren Obras completas argitalpenean, dantza hau «Opor-dantza» azpitituluarekin agertzen da ere. Igantzi Bortzirietako herria da. Euskaltzaindiako Orotariko Euskal Hiztegian Nafarroako eskualde honetarako esanahi hau ematen dio: «atseden, lanik gabeko eguna».
Hauxe da dantza honen kantaren letra:
Sagarraren adarraren
Puntaren puntan
Txoriño bat zegoen kantari.
Ez txiruliruli,
Bai txiruliruli.
Nork dantzatuko du soñu ori (Donostia, 1994, 2030)
