Dantza Luzea neskek eta mutilek, zapi batez elkartuta, soka bat osatuz dantzatzen duten dantza bat da. Zirkulu irekiko soka dantza da, noranzko antihorarioan dantzatzen dena. Donapaleun Dantza Luzea inauterietan, Libertimenduetan edo kabalkadetan dantzatzen da.
Luzaideko Dantza Luzearen eskema bera jarraitzen du. Oraingo konposizio musikalaren osaketa Luzaideko bera da. Sagasetak Luzaiderako ematen zuen eskema jarraituz: A-bis, A, A-bis, B, C-bis, D, E. eta F (Sagaseta, 2011, 338). Aldaketak koreografian daude.
A eta A-bis zatiak berdin segitzen dira. C-bis zatiko urratsak aldatzen dira. Luzaiden kontrapasak badaude, hemen Zuberoako jauzien unitate «solemne» edo «nobleetan» erabiltzen diren urratsak dantzatzen dira, modu azkarrago batean dantzatuak. Hau da, zati hau jauzia bihurtzen da. Zuberoako branlea oroitarazten du, dantzariak zapiez loturik daude eta. Hauek dira zati horren urratsen segida: Sinple lauetan, Biga, Sinple, Ezker, Eskuin, Sinple, Eskuin, Ezker, Sinple.
B eta D zatietan, deietan, muturretako dantzariek bira ematen diote bere buruari, baina antrexatak eginez. D bukatzen ...leer más
B eta D zatietan, deietan, muturretako dantzariek bira ematen diote bere buruari, baina antrexatak eginez. D bukatzen delarik, dantzatzen ari zen taldean desegiten da eta publikoari gonbitea egiten diote dantzan parte hartzeko. Behin dantza taldea berrosatua, E zatia egiten da. Zuberoako branlearen karakoiltzia bezalako mugimendua egiten da, Sagasetak deituriko «dantza luzearen urratsa» erabiliz (kontrapasa). Azkenik, F zatia muturretako dantzariek soilik egin ordez, talde osoak egiten du.
