Cortesko Paloteadoren Zinta dantza. Bi dantzarik eusten diote zintak duen hagari. Zintak dantzariek hartzen dute eta denen artean zirkulu bat osatzen dute hagaren inguruan. Dantzariak ezker-eskuin gurutzatzen dira zintak hagan txirikordatuz, beraien lehendabiziko tokira heldu arte. Orduan, kontrako bidea eginez, zintek egindako txirikorda desegiten dute
Dantza hau zintzilikatutako zintak dituen masta baten inguruan egiten da. Dantzari bakoitzak zinta bati eusten dio eta mastaren inguruan egiten den dantza garatuz doan heinean, zintak txirikordatzen dira hagaren inguruan. Zailtasuna akatsik gabeko txirikordatze eta destxirikordatze horretan datza.
