Lakuntzako Lehenengo ingurutxoa

FITXA TEKNIKOA
Azalpena: 

Dantza hau, ingurutxo izena duen arren, ez da plazaren inguruan dantzatzen, baizik eta plaza alde batetik bestera zeharkatuz musikak agintzen duen erritmoan. Dantzariak jartzen dira plazaren alde batekiko perpendikularki eta neskak ateratzen dira lerrotik mutilen aurrean beste lerro batean jartzeko. Dantzari bikoteek, lerro paralelotan, plaza zeharkatzen dute alde batetik bestera musika agintzen duen soinuan eta, behin bazter batera ailegatuta itzultzen dira dantzatzen hasierako tokira. Lehendabiziko ingurutxo hau bi esaldi musikalez osatua dago eta esaldi bakoitzak bere mugimendu koreografiko propio dauka. Dantza hau 1936-39.go gerra bukatu eta gero desagertzen da, beste dantzekin batera eta besteak bezala 70eko hamarkadan Deustuko Bihotz Alaik eta Iruñeko Ortzadar Elkarteak burututako ikerketen ondorioz berreskuratzen da. Ingurutxo honi dagokionez, bi elkarteek jasotakoa bat dat dator. Edozein gaztek parte har lezake. Normalean alkate dantzan parte hartzen duten berberak izaten dira. Mutilek kaskainetak jos ditzekete dantza honetan erritmoa eramanez.

Herriak:

Ziklo honen parte da: 
TIPOLOGIA

Ingurutxoa

Leitzako ingurutxoa. 2004. Dantzan.com

Ingurutxoa zirkulu irekian, erlojuaren kontrako norabidean, eta bikoteka egiten diren dantzak ditugu. Dantza hauek beste dantza edo mugimendu koreografiko batzuek osatuak izaten dira, zeinak erritmo ezberdinak dutenez gero, dantza desberdintzat onar genitzakeen. Izan ere, aditu batzuen arabera, ingurutxoak beste dantza talde konplexuago baten barnean kokatu beharko lirateke: soka dantzekin batera sortzen den zikloa, hain zuzen. Ingurutxoa, izenak izen, Nafarroako mendialde gehienaren gizarte-dantza garrantzitsuena izan da. Hala ere, beste garaiotako balizko hedadura zabalagoaren lekuko oso salbuespen bitxia daukagu Lizarran mantendu den ingurutxoarekin, Larrain Dantzarekin. Ingurutxoa oso ahul heltzen zaigu aurreko mendaren lehendabiziko hamarraldietara eta 36ko gerrak akitzen du toki gehienetan. Hala baina, 70ko hamarkadaren azkenengo urteetan hasten da berriz ere euskal geografian zehar zabaltzen Lizarrako Larrain Dantzaren arraskatari esker.

Mota honetako beste dantzak ikusi:

Lakuntzako Ingurutxoa. Ortzadar Dantzari Taldea (Arg. Ortzadar-Joseba Mairal)
BIDEO GALERIA
Lakuntzako 1. ingurutxoa