Urtero, San Lorentzo egunean (abuztuaren 10ean) eta Bestaberri egunean (ekainean), izen bereko Anaiarteak dantzaldiak egiten ditu eta prozesioetan parte hartu. Data hauetaz landa bertze data berezietan ere atera daitezke: inauteriak, San Zernin egunean… Bertan mota askotako dantzak egiten dituzte kofradeek: makil dantzak, ezpata dantzak, brokel dantzak etab.
Bestaberri egunean egiten den prozesioan San Lorentzoko dantzariek prozesioa irekitzen dute eta lehengo tokian joaten dira. Leku batetik bestera joaten direlarik, oinez edota Karrika dantza egiten joaten dira. Segizioa berriz Katedralera itzultzen denean arkua egiten diete gainontzeko partaideei eraikinaren sarreran eta behin meza bukatuta, dantzen emanaldia egiten dute katedraleko eliz-atarian.
San Lorentzo kaleko jaietan (egun bereko egunean, agorrilaren ...leer más
San Lorentzo kaleko jaietan (egun bereko egunean, agorrilaren 10eko arratsaldean), dantzariek kale jira egiten dute kalean zehar dantzaldia San Lorentzo elizatean egiteko.
San Lorentzoko dantzariak edo danzanteak Iruña Dantza Taldeko ekimena izan zen. Honen helburuetako bat XVI. mendetik Iruñean eman zen dantza tradizioa berreskuratzea izan da. Tradizio hori elizetan eta prozesioetan nabarmena izan zen eta XVIII. mendera arte indartsu zegoen. Mende horretan elizen barnean edota prozesioetan dantzatzeko debekuak, dantzen eta dantzari taldeen gain behera ekarri zuen. Baina mota horretako dantzak eta dantzari taldeak orain arte iraun dute gure geografiak...leer más
San Lorentzoko dantzariak edo danzanteak Iruña Dantza Taldeko ekimena izan zen. Honen helburuetako bat XVI. mendetik Iruñean eman zen dantza tradizioa berreskuratzea izan da. Tradizio hori elizetan eta prozesioetan nabarmena izan zen eta XVIII. mendera arte indartsu zegoen. Mende horretan elizen barnean edota prozesioetan dantzatzeko debekuak, dantzen eta dantzari taldeen gain behera ekarri zuen. Baina mota horretako dantzak eta dantzari taldeak orain arte iraun dute gure geografiako hainbat herrietan eta sustrai horitako dantzak eta taldeak dira berreskuratu nahi izan direnak.
1997. urtean aipatu taldearen 25. urteurrena ospatzen ari zela “danzante” koadrila bat eratzea erabaki zuten: San Lorentzoko Danzanteen Kofradia. Urte berean eman zuten bere lehendabiziko emanaldia San Zernin eguneko bestaren harira. Hortik aurrera, San Lorentzoko dantzariek beste taldeetako dantzariekin ere hornitu dira bere ibilbidean.
1999tik aurrera Iruñeko Besta Berriko prozesioan parte hartzen dute.
2022 arte soilik gizonak dantzatzen ziren. Urte horretako Iruñeko Inauterien Kauteren Festan talde misto gisa agertu ziren dantzan.
Zortzi dantzari eta Boboa
Dantzariak: Ator eta belaunen azpirainoko galtza zuriak daramatzate. Galtzaren gainean oihal eta kolore bereko gona zuria. Oinetan galtzerdi beltzak eta espartin zuriak dira urre eta koloretako apaindurekin. Gonaren gainetik eta gerrian, gerriko gorri zabala. Lepoetatik zintzilik bizkarraldera eta bularraldera, eskapularioa darama eta haren gainean, eskuineko lepotik zintzilik eta bularra zeharkatuz, banda gorri...leer más
Dantzariak: Ator eta belaunen azpirainoko galtza zuriak daramatzate. Galtzaren gainean oihal eta kolore bereko gona zuria. Oinetan galtzerdi beltzak eta espartin zuriak dira urre eta koloretako apaindurekin. Gonaren gainetik eta gerrian, gerriko gorri zabala. Lepoetatik zintzilik bizkarraldera eta bularraldera, eskapularioa darama eta haren gainean, eskuineko lepotik zintzilik eta bularra zeharkatuz, banda gorri bat. Besoetan lotuta, xingola gorri bat beso banan. Hanketan, bernazakietan, kriskitin zapak hamabi tzintzarriekin. Burua estaltzeko, Ilea biltzen duen zapi estanpatua eta haren gainean hegal zabaleko kapelu zuria. Banda, gerria eta kapela bitxiz apainduta eraman daitezke.
Dantzetan laguntzeko hainbat erreminta erabiltzen dituzte dantzariek: kriskitinak, ezpata (sablea), brokela, makilak eta arkua.
Boboa: Kasaka eta galtzak arlekinatuta kolore granate eta estanpatudun urre kolorean. Lepoan, golilla zuria darama. Zangoetan galtzerdi bakoitzak kolore batekoa (zuria, beltza) eta oinetan apaindutako espartin zuriak. Buruan, kasaka eta galtzaren kolore bereko txanoa, zeina borla bat zintzilik duen. Bukatzeko, gerriari lotuta zintzarridun gerrikoa darama, hainbat tamaina txikiko zintzarriekin. Eskuan maskuria duen makil luzea darama jendea edota dantzariak xaxatzeko erabiltzen ahal dena, edota makulu gisa erabil daitekeena. Dantzariek erabiltzen duten erremintak gordetzeko zakutoa ere maiz erabiltzen du.
Musiken egoikitzapenerako, hala nola emanaldi batzuetarako, San Lorentzoko Gaiteroek beste gaitarien laguntza izan dute: Imanol Erkizia, José Luis Fraile eta Antonio Guerrero.
2007. urtetik aurrera San Lorentzoko Gaiteroek Elkarte baten antolakuntza eratu zuten.
PRESENTACIÓN
MULTIMEDIA