Arantzako Dantza Luzearen hondarreko dantza da hau. Herriko neska-mutilek osatutako Soka dantza baten aurrean gaude eta aurretik dantzatutako Soka dantzaren antzera dantzatzen da. Bere berezitasuna da tartean egiten diren zubiak. Lehenbiziko bi dantzariek, zapia gora egin eta azpitik pasatzen dira bertze dantzari guztiak. Horri deitzen zaio zubia. Akabailan karriketan barna eta plazan segitzen dute Zubi dantzarekin (eguraldi ona bada) eta nahi adina luza daiteke. Plazan amaiera ematen zaio Dantza Luzeari.
