Agramondarren eta Beaumondarren dantzak, edo Agoizko dantzak, estilo aunitzeko dantzen bilduma da. Dantzen sorkuntza helburu garbi batekin egin zen: Agoitzi berezko dantzak ematea. Beraien artean ezpata dantzak, zinta dantzak, eta abar aurki daitezke.
Uharteko zortzikoa herriko jaietan herriko plazan San Joan egunean dantzatzen den dantza berreskuratua da. Dantza maiordomoek hasten dute, eta ondoren, dantzarekin bat egin nahi duenak parte har dezake, bikoteka jarriz maiordomo bikotearen atzean. Dantza zortzikoak, fandangoak, porrusaldak eta kalejirak osatzen dute. Dantza irekia da, eta nahi duen orok har dezake parte.
Bakaikuko Santio plazan bertan ematen zaio hasiera dantzari, nahiz eta noizbait ere kalejiran igo izan den Santioko ermitatik. Neska zein mutil gazteek kaxeroz jantzirik dantzatzen dute txistulari batek lagundurik. Baina bada festetan zehar beste egun bat non edonork dantza dezakeen. Hau era espontaneo batean egiten da, dantzatu nahi duen oro atxiki daiteke zortzikoa dantzatzera eta beraz, gaur egungo arropekin ere dantzatzen da.
AGOIZKO AGRAMONDARREN ETA BEAUMONDARREN DANTZAK
Agramondarren eta Beaumondarren dantzak, edo Agoizko dantzak, estilo aunitzeko dantzen bilduma da. Dantzen sorkuntza helburu garbi batekin egin zen: Agoitzi berezko dantzak ematea. Beraien artean ezpata dantzak, zinta dantzak, eta abar aurki daitezke.