Beste Paloteadotan bezala, Cortesiek dantzariak tokiz alda daitezen dute xedea. Modu horretan binaka ateratzen dira dagozkien bertsoak esatera.
Doinua Jabitxu Perez de Obanosek (Tuterako Gaitariek) sortua da eta koreografia José Luis Balmaseda «Balma»-k sortua.
Izen honen azpian makilak erabiltzen diren dantzak sartuko ditugu. Makila hauek luzera aldakorrekoak izanik ere ez dira luzeak. Dantzariak makila bana eraman ohi du esku bakoitzean eta horiekin soinua egiteko kolpeak ematen ditu, esku artean dituen makilekin nahiz bere dantzakideek daramatzatenekin. Makil dantzak, orokorki zortzi dantzariz osatutako taldean dantzatzen dira.
