Andosillako Jota, Hesiko Ama Birjinarekin (herriko zaindaria dena) egiten den prozesioaren amaieran borobilean dantzatzen den jota da.
Hesiko Ama Birjinaren egunean (IX-8), dantzariek parte hartzen dute meza nagusiaren testuinguruan egiten den prozesioan. Amaieran, irudia elizan sartu aurretik, dantzariek Santa Kruz Jota dantzatzen dute plazan, udal banda eta herriko gaiteroen doinuekin.
Santa Kruzeko Jota sortu berri den dantza da (2021). Melodia Andosillako gaitaria den Iker Baztanen lana bada ere, dantzaren koreografia Andosillako Dantza Taldearen barruan sortu zuten.
12 dantzari, Andosillako Dantza Taldeko kideak
Jantzi femeninoa da, Jose Mari Pastor Artzairen lana den eta Iruñeko Ortzadar Elkarteak argitaratu zuen Euskal Herriko Jantzien Bildumako jantzian oinarritua. Bertan, «Erriberako emakume» baten marrazkia agertzen zen.
Soinean atorra zuria eta txaleko beltza. Oihalezko gona gorria, Andosillako armarria lau tokitan brodaturik dituena. Haren gainean gaingona berdea, gona baino motzagoa eta aurretik bilduta. Oinetan espartin beltzak, galtzerdirik gabe.
...irakurri gehiago
Hasiera batean postalak planteatutako estetikari jarraitzen bazaio ere (emakumeak zapi handi bat janzten du sorbalden gainean), zapiak dantzatzea zailtzen zuela ikusita, txalekoa sartzea erabaki zuten.
Jantziak dantzarienak dira.
Doinua bertako gaitaria den Iker Baztanek sortu zuen eta Andosillako Dantza Taldeari oparitu zion.
AURKEZPENA
MULTIMEDIA