Trenzado de Peana dantzaren ondoren eta etenik gabe, Erregina erregeordearen pertsonaia idulki horretara igotzen da «bere koroa alde bakoitzeko kapitainei, Pedro Nafarroakoa eta Luis Beaumontekoai, beren ezpatak lurrean iltzatzen dutenak», buruen gainean ezartzeko (Agoizko dantzariak, 2018, 125). Behin idulkian igota, bi bandera ematen zaizkio (bakoitza bando baten kolorearekin) eta dagokion musikaren soinuan («Martxa») dantzatzen ditu.
Aldi berean, Magdalena Nafarroakoa irudikatzen duen erraldoiak dantzarien inguruko dantza bat ere egiten du.
