Makil dantza bat da. Dantzariek goitik eta beheitik jotzen dituzte makilak. Beste makil dantza askotan bezala tokiz aldatzen dute dantzariek, kasu honetan lau aldaketa dagoelarik. Bukatzeko, Kortesia izeneko dantza egiten dute.
Musika Ricardo Fernández de Latorrek Antología de la música militar de España (Fonogram, 1972: 105) bildumatik aterata dago eta XIX. mendeko lehendabiziko laurdenean egin zen ezaguna. Dantzaren izena aipatu kanta horretan esaten den onomatopeiatik dator.
