Jota herrikoia da, jai egunetan modu natural batean plazan dantzatzen den dantza da.
Dantza sozial bat da, zirkulu batean jarrita dantzatzen da, ahal den neurrian neska-mutilak tartekaturik kokatzen direlarik. Jota honek hiru zati ditu: lehenengo zatia diagonaletara mugituz dantzatzen da, oinekin hiru pauso markatzen direlarik; bigarren zatia eskuin eta ezker aldeetarantz dantzatzen da; eta hirugarren zatian bueltak ematen dira.
FITXA ERAIKITZE LANETAN
Hainbat moldaera ezberdinekin Nafarroa osoan zehar zabaldurik dagoen dantza mota soziala da. Neska-mutilek elkarrekin dantzatzen dute, normalean bikoteka, borobilean, edota zenbait kasutan dantzariak bi lerrotan jarririk. Fandango edota baztandarra izenaz ere ezagutzen da., baina normalean dantza bera bezala eduki arren, jota eta fandagoaren artean ezberdintasunik badago: jotak badu bere barnean mantsoago eta bikotea lotuta dantzatzen den zati bat. Erritmo ternario bizia du. Jota dantza soila bezala aurki genezake edo talde koreografiko baten barruan, normalean bere bukaeran eta porrusaldarekin batera. Era berean, beste tipologietan aurkitzen diren dantzei ere ematen die izena; hala nola, Cortesko paloteadoaren jota, makil dantza dena.
