Ahuntza edo Ahuntxa Ipar Euskal Herri osoan eta Biarnon egiten den jauzia da. Bere egitura edo urratsen segida nahiko sinplea da eta bere iraupenaren motzak eragin du segida bezala ere sailkatzea. Egun Lapurtar motxak eta Lakartarrak-ekin batera dantzatzen ohi da
Nafarroa Beherean eta Luzaiden jauzi gisa dantzatu izan den arren, batzuetan ere Muxikoak jauziaren segida gisa erabili izan da (Guilcher, 1984, 232). Hala ere, Sagasetak (1977, 38) Luzaiden dantzatzen diren jantza-jauzien artean sailkatzen du. Agian horregatik, Luzaiden jauzi gisa dantzatzen zelako, ez da segiden artean ageri. Alta, Sagasetak Lapurtar motxak jauzia deskribatzen duelarik, bertze jauziekin batera dantzatzen zela esan zigun:
irakurri gehiago
Hoy en día llaman en Valcarlos Lapurtar-motxak a todo lo que la orquesta «Ramuntxo» toca bajo ese título, aunque su contenido corresponde, al menos, a tres piezas, es decir, Lapurtar-motxak, Lakarre o Lakartarrak y Ahuntxa [Gaur egun Luzaiden, Lapurtar-motxak deitzen diote «Ramuntxo» orkestrak izen horrekin jotzen duen guztiari, nahiz eta bere edukia, gutxienez, hiru piezari dagokien, hau da, Lapurtar-motxak, Lakarre edo Lakartarrak eta Ahuntxa] (Sagaseta, 1977, 37)
Jauzi hau Biarnon ere ezaguna da beste izen eta urratsen segida batzuekin baina baliokideak: La craba (Guilcher, 1984).Baztanen ere aurkitzen dugu baina kasu honetan, mutil dantza batzuen parte gisa: Tellarin eta Billantziko.
AURKEZPENA
MULTIMEDIA