Jadanik egiten ez den dantza. Artzainen dantzak Gabon gauean eta Eguberri egunean artzainek edo haiek bezala jantzitako pertsonek egiten zituztenak ziren.
Eguberrietan egiten diren mezen artean, bada “artzainen meza” deitzen dena, artzainek Jesukristori egindako gurtza oroitarazten duena. Meza horietan artzainak dantzatzen ziren, bainan elizen barnean egiten ziren ospakizunak Eliza katolikoak ez-egokitzat hartu zituen eta debekatu egin zituen ospakizunak eta dantzak desagerraraziz.
Artzainen dantzak Gabon gauean eta Eguberri egunean artzainek edo haiek bezala jantzitako pertsonek egiten zituztenak ziren. Nafarroan horien berri baino ez da geratzen. Deikaztelun bakarrik berreskuratu dira Artzainen dantzak, baina musika eta koreografia berriekin.
Gaboneko Oilar-mezaren ondoren, artzainak elizan sartzen dira eta hor daudenak dantzak ikustera gonbidatu eta gero, honako dantza hauek dantzatzen dituzte: Bolerak eta Itzurun. Ondoren, Elizaren barruan dantzatzearen debekuari buruzko antzezpen bat egiten da eta bukatzen denean, parrokiako koruak “Ro, mi niño, ro” gabon-kanta abesten du. Bukatzeko, artzainek Bolerak dantzatzen dute eta horrekin elizatik ateratzen dira.
DEIKAZTELUKO ARTZAIN DANTZAK
Jadanik egiten ez den dantza. Artzainen dantzak Gabon gauean eta Eguberri egunean artzainek edo haiek bezala jantzitako pertsonek egiten zituztenak ziren.
Eguberrietan egiten diren mezen artean, bada “artzainen meza” deitzen dena, artzainek Jesukristori egindako gurtza oroitarazten duena. Meza horietan artzainak dantzatzen ziren, bainan elizen barnean egiten ziren ospakizunak Eliza katolikoak ez-egokitzat hartu zituen eta debekatu egin zituen ospakizunak eta dantzak desagerraraziz.