Zortzikoa bukatzen dela, dantzariek zubiak egiteko dantza hasten dute. Dantza honen partitura “plaza” izenarekin dator eta horrek agian esaten digu non dantzatzen zen. Melodiak ⅜ erritmoan jotzen da eta dantzarien sokak bi zubiren azpitik pasa behar dute. Lehendabizikoa kapitainak eta bere atzean dagoen dantzarien artean egiten dute haien arteko besoak eta zapia altxatuz. Bere azpitik lehendabizikoa pasatzen azkendaria da. Honela, kapitainak ez du bere tokia galtzen. Bigarren zubian, aldiz, hirugarren dantzarirengandik hasten da zubi azpitik iragaitea.
Melodiak ingurutxoen “inguru txikia” oroitarazten du.
