Berriozarko Maiordomoen dantzak festeetako eta Patroiaren egunean gazteen maiordomoek egiten dituzten dantzak dira. Aspaldian, maiordomoak herriko gazteen artean hautatzen ziren eta, beste batzuen artean, jaietan egiten ziren dantzaldiak irekitzeko funtzioa betetzen zuten. Horretarako, usuki, jota edo fandango bat dantzatzen zuten. Orain, Berriozarren, maiordomoak ez dira gazteriaren ordezkariak eta jaien musikaren antolatzaileak, eta bere eginkizuna udalaren festen egitarauan sartuta dago.
Berriozarko festen ostegunean dantzatzen dira maiordomoak. Egun horretako mezetara joaten dira eta hortik ateratzen direnean dantzatzen dituzte jota eta porrusalda. Ondoren, bertaratukoei aperitifa eskeintzen diete. Arratsaldeko dantzaldia bals bat dantzatzen irekitzen dute.
Gauza bera egiten da Done Eztebe egunean, abenduaren 26an. Mezaren ondoren, biltzeko prest dagoen karpa batean biltzen dira eta hor dantzatzen dituzte jota eta porrusalda. Oraingo honetan, aperi...irakurri gehiago
Gauza bera egiten da Done Eztebe egunean, abenduaren 26an. Mezaren ondoren, biltzeko prest dagoen karpa batean biltzen dira eta hor dantzatzen dituzte jota eta porrusalda. Oraingo honetan, aperitifa eskeini ordez, ogi-torradak eskeintzen dira.
Maiordomoak (bi neska eta bi mutil) Berriozarko «Txori Zuri» dantza taldeak aukeratzen ditu herriko gazteen artean. Hautagaia izateko 18 urte baino gehiago izan behar du, ezkongabea, berriozartarra edo Berriozarren bizi izatea eta aurretik Maiordomoak izan ez izana.
Maiordomoen dantzak hauek dira:
Jota
Porrusalda
Bals
Esan bezala, maiordomoena gazteen aspaldiko erakundea da. Herrien arabera izen ezberdinak hartzen ditu baina, funtsean, funtzio bera betetzen zuten herri guztietan. Gazteen artean nolabaiteko autoritatea zeukaten eta biltzen zen dirua edo elikadura eta musikariak kontratatzeko eta haietaz arduratzeko zen beren eginkizun nagusiak. Aginte horren erakusgarri, soinean zeramaten txapel apaindua, eskapularioa eta bularrean zeharkatutako banda. Gainera, dantzaldia hasteko ohorea zeuk...irakurri gehiago
Esan bezala, maiordomoena gazteen aspaldiko erakundea da. Herrien arabera izen ezberdinak hartzen ditu baina, funtsean, funtzio bera betetzen zuten herri guztietan. Gazteen artean nolabaiteko autoritatea zeukaten eta biltzen zen dirua edo elikadura eta musikariak kontratatzeko eta haietaz arduratzeko zen beren eginkizun nagusiak. Aginte horren erakusgarri, soinean zeramaten txapel apaindua, eskapularioa eta bularrean zeharkatutako banda. Gainera, dantzaldia hasteko ohorea zeukaten eta lehendabiziko dantza horren ondoren, musikariei-eta txokolatea eta bolauak eskeintzen zieten. Denborarekin eta udalek indar handiago hartu ahala, bere funtzioa desagertuz joan zen eta desagertu ziren. Berriozarren kasuan, herriak etorkin asko bildu zituen aurreko mendearen 60 eta 70eko hamarkadetan eta 1991an Antsoaingo Zendeatik banandu zen. Ordurako desgertuak zeuden maiordomoak.
Berriozarko maiordomoak ekainaren 29an aukeratzen ziren Motxogorri izeneko intxaurrondoaren azpian. Hautagaiak urte horretan ezkondu behar ziren bikoteen artean hautatzen ziren (Fernandez de Larrinoa, 2003, 351. o.). Bi bikote aukeratzen ziren eta herri guztietan bezala, bat zen maiordomoena eta bestea laguntzaileak ziren.
Lau pertsona osatzen dute dantzari taldea: bi maiordomo (neska eta mutila) eta bi laguntzaile (neska eta mutila)
Neskak: biak berdin janzten dira eta jantzia Zaraitzu ibarreko emakumeen jantzian oinarritua dago.
Mutilak: XIX. mendearen bukaeran edo XX.aren hasieran gizonezkoen jai-egunetan janzten zuen moduan janzten dira: praka luze ilunak marradunak («diplomatiko» tankerakoak), txalekoa eta alkandora zuria. Buruan txapel beltza apainduta: ...irakurri gehiago
Mutilak: XIX. mendearen bukaeran edo XX.aren hasieran gizonezkoen jai-egunetan janzten zuen moduan janzten dira: praka luze ilunak marradunak («diplomatiko» tankerakoak), txalekoa eta alkandora zuria. Buruan txapel beltza apainduta: bere ertza bi zinta txirikordatuekin apaintzen da. Ezkerreko besainetik zintzilik eta bularra zehakatzen, satenezko banda bat zeinak eskapulario bat josirik daraman (soilik aurreko aldean).
Bi neskak berdin janzten badute, mutilak beren apaingarrien kolorea bereizten dute. Batak bularra zeharkatzen duen banda gorri kolorekoa du eta berteak urdin. Gauza berdintsua gertatzen da txapelaren zintekin: bularrean banda gorria daramanak gorri eta berde koloreko zintekin apaintzen du bere txapela; bestearena urdinez eta zuriz.
Edozein jota eta porrusalda jo daiteke
AURKEZPENA
MULTIMEDIA