Karrika dantza herrian barna joateko erabiltzen den dantza da. Dantzariak, sokan zapien bidez kateaturik herriko kaleetan barrena dantzatzen dute. Aita Donostiak 1930an argitaratutako melodiaren partiturarekin ohar bat jarri zuen, esanez gizonezkoek zein mutilek dantzatzen zutela. Partitura horren izenburua “Dantza-luze” zen, agian Iparralden egiten ziren izen bereko dantzen daukan antzekotasunarengatik.
Gaur egun, dantza mistoa da eta gazteek eta haurrek parte hartzen dute. Aspaldian, inauterietako gainerako dantzak bezala, "astearte iotean" dantzatzen zen, baina orain larunbatean egiten da.
