Bere barne egitura ezberdina izan arren, “puntukako” mutil dantza kontsidera liteke. Izenak dantza bukatzean saltatzen diren zazpi jauziei egiten dio aipamena. Izen bereko Iparraldeko jauzietan baditu bere parekoak. Dantzaren dinamika egitura koreografiko baten errepikapenean datza. Errepikapen bakoitzean haunditzen da jauzien kopurua: bat, bi, hiru… eta zazpi salto egin arte.
FITXA ERAIKITZE LANETAN
Izenak adierazten duen bezala mutil dantzak tradizionalki mutilek burututako dantzak dira. Izena modu generikoan hartzekotan, dantza talde honetan tradizioan aurkitzen ditugun dantza gehienak sartuko liratete, gizarte talde honek, mutilenak, izan baita erritozko zein gizarte dantza gehienen protagonista. Horren atzean emakumean plazan agertzeko ezarritako zailtasunak. Horregatik “mutil dantza” tipologiaren barruan tradizionalki mutilek zirkulu irekian zein itxian eta erlojuaren orratzen kontrako bidean dantzatutako dantzak aurkituko ditugu. Erran beharra dago emakumeak gero eta gehiagotan parte hartzen ari direla honelako dantzetan. Tipologia honen adibiderik garbienak Baztango mutil dantzak eta Nafarroa Behereko jauziak dira.
