Lizarragako Zortziko dantza Sakanako zortzikoen esparruan kokatzen da. Hala ere, galdu egin zen eta bere berreskurapenean zortzikoaren eta ingurutxoaren aztarnak aurkitzen ditugu orain egiten diren dantzetan. Ohiko den bezala, Zortziko dantza fandango, porrusalda eta kalejirarekin bukatzen da.
Lizarragako Zortziko dantza herriko festetan dantzatzen da. Dantza berria da. Eguna mendian, San Adrian baselizan pasa ondoren, arratsaldeko seiak aldera herrira, alkatearen etxera jeisten dira eta hor Udalak auzatea ematen du (gazta eta ardoa). Bitartean, dantzatu behar direnak arropaz aldatzen dira eta herriko eskolatik ateratzen dira desfilean plazara abiatzeko eta bertan Zortziko dantza dantzatzeko.
Dantza ezberdinez osatua dago Zortzikoa, batzuk soka d...irakurri gehiago
Dantza ezberdinez osatua dago Zortzikoa, batzuk soka dantzan egiten direnak eta besteak bikoteka. Bukatzeko fandango eta porrusalda egiten dira. Sokan egiten diren dantzak batez ere sokan aitzindariak edo aurreskua denak dantzatzen ditu. Hainbat zortziko dantzatzen dira eta bakoitzean dantzari ezberdin bat dantzatzen da. Zortzikoak bukatuta zubi bat egiten da eta ingurutxoaren «Belauntziko» edo zortzikoaren antza duten dantzak egiten dira, dantzariak binaka jarrita. Bikotekide batek besteari dantzatzen dio eta horretarako hasierako zortzikoak erabiltzen dira, bai musikak, bai koreografiak ere. Fandango eta porrusalda dantzatu aurretik beste zubi bat egiten da eta dantzariak korroan jarrita geratzen dira.
Lizarragako Zortziko dantza, 1960-70. hamarkadan galdu zen. Berreskurapena 2006an gauzatu zen eta Migel Navarro eta Jone Agirreren eskutik heldu zen. Haiek jaso zituzten Zortziko dantzaren soinuak herriko aitonamonengandik. Etxarri Aranazko gaiteroa izan zen Karasatorreren semearengana jo zuten gero eta horrek aitak jotzen zituen partiturak eman zizkien. Herriko zaharrengandik dantzakera jasotzeko modurik ez zegoen eta Karasatorrek emandako partiturak ikusita, hor Ingurutxo eta zort...irakurri gehiago
Lizarragako Zortziko dantza, 1960-70. hamarkadan galdu zen. Berreskurapena 2006an gauzatu zen eta Migel Navarro eta Jone Agirreren eskutik heldu zen. Haiek jaso zituzten Zortziko dantzaren soinuak herriko aitonamonengandik. Etxarri Aranazko gaiteroa izan zen Karasatorreren semearengana jo zuten gero eta horrek aitak jotzen zituen partiturak eman zizkien. Herriko zaharrengandik dantzakera jasotzeko modurik ez zegoen eta Karasatorrek emandako partiturak ikusita, hor Ingurutxo eta zortzikoen melodiak aurkitzen ziren. Dantza hauek izan ziren Lizarragako Zortziko dantza zaharberrituaren oinarria.
Bere azken agerpenetan, Zortziko dantza festetako dantzaldia hasteko dantzatzen zen.
Edonork parte har lezake dantzan
Neskak: baserritarrez
Mutilak: praka urdinak, alkandora zuria, herriko zapia eta txapela. Oinetan espartin zuriak.
Aspaldi, Ihabarko ttunttuneroa. Horren ondoren Etxarri Aranazko Karasatorre gaiteroa eta Lizarrako Elizaga gaiteroak ere. Azken musikaria Etxarri Aranazko soinularia zen Josetxo Itsua izan zen.
Erabiltzen diren melodiak Sakanako gainontzeko herrietan aurki daitezkeenak dira, adibidez, Etxarri Aranazko Dantzakian
AURKEZPENA
MULTIMEDIA