Urtero, San Lorentzo egunean (abuztuaren 10ean) eta Bestaberri egunean (ekainean), izen bereko Anaiarteak dantzaldiak egiten ditu eta prozesioetan parte hartu. Data hauetaz landa bertze data berezietan ere atera daitezke: inauteriak, San Zernin egunean… Bertan mota askotako dantzak egiten dituzte kofradeek: makil dantzak, ezpata dantzak, brokel dantzak etab.
Animalien dantzak Inauteri aurreko asteburuan ospatzen den Kauteren Festaren giroan dantzatzen dira. Segizio horretan ateratzen diren zaldikoek dantzatzen dituzte.
Iruñeko San Fermin Aldapakoaren Ezpata dantza dantza-multzo bat da eta egurrezko ezpata luzeekin egiten da, nahiz eta beren artean Bandera dantza eta sastakaiez dantzaturiko zortzikoa dauden. Ezpata dantzak, bere osotasunean, Arrotxapeako zubia –Arga ibaiko bazterretan- eta San Ferminen kapera lotzen duen dantza da. Bere barne egituran, dantzaz gain, pertsonaia ezberdinak daude: Kapitainak, Tropelako dantzariak, Zerbitzaria, Buruzagia eta Boboa.
Iruñeko San Lorentzoko Kortesia