Dantza, gutxienez gizonezko 4 bikotez osatua dago. Horietatik, zortzikolariak besterik ez du dantzatzen; gainerakoek dantzaria laguntzen dute. Dantza, ezberdindutako lau atalez osatzen da. Dantza honen ezaugarria, esaldi musikal bakoitza oin ezkerra eta eskuina tartekatuz eta ezkerreko hankaren igoerarekin bukatzen dela da.
Lehen atala: Txistulariak lehen deia jotzen du, dei horrek mutilak dantzatzeko presta daitezen da. Mutilak bikoteka plazan sartzen doaz eta erloju orratzen kontrako norabidea hartuz zirkulu bat markatzen dute. Lehen dantzariak zortzikolari izena du eta dantzatzen den zirkuluaren kanpoko lehen posizioan kokatzen da. Lehenengo deia eta gero, bigarren dei bat dago eta momento horretan bikoteak gelditu eta bikoteka aurrez aurre begira geratzen dira. Txistulariak beste dei bat egingo du eta honen bukaeran dantzariek salto bate ematen dute eta lehen bikoteak zubia egiten du beste bikoteek azpitik pasatzeko eta bakoitza bere hasierako lekura itzuliko da zirkulu barnekaldetik. Giza Dantza deituriko melodía hasten da eta zortzikolaria dantzatzen hasten da. Berezitasun bezala aipatu behar da, dantza honen bigarren zatian, bikote laguntzaileak hanka igoera egin a...irakurri gehiago
Lehen atala: Txistulariak lehen deia jotzen du, dei horrek mutilak dantzatzeko presta daitezen da. Mutilak bikoteka plazan sartzen doaz eta erloju orratzen kontrako norabidea hartuz zirkulu bat markatzen dute. Lehen dantzariak zortzikolari izena du eta dantzatzen den zirkuluaren kanpoko lehen posizioan kokatzen da. Lehenengo deia eta gero, bigarren dei bat dago eta momento horretan bikoteak gelditu eta bikoteka aurrez aurre begira geratzen dira. Txistulariak beste dei bat egingo du eta honen bukaeran dantzariek salto bate ematen dute eta lehen bikoteak zubia egiten du beste bikoteek azpitik pasatzeko eta bakoitza bere hasierako lekura itzuliko da zirkulu barnekaldetik. Giza Dantza deituriko melodía hasten da eta zortzikolaria dantzatzen hasten da. Berezitasun bezala aipatu behar da, dantza honen bigarren zatian, bikote laguntzaileak hanka igoera egin aurretik, zortzikolariari eskutik bultzada ematen diola hanka ahalik eta gehien altxa dezan.
Bigarren zatia edo Atzeraka. Dei bat jotzen da eta azken notarekin dantzari guztiek salto bate maten dute eta lehen bikoteak zubi bat egiten du, bertatik gainerako bikoteak pasatzen dira eta aurreko aldian baino arinago, bikote bakoitza bere lekura itzultzen da zirkuluaren barneko aldetik, baina azken bikoteari bidea mozten zaie zubia jeitsiz. Baztertutako bikotea plazatik aterako da neskak bilatzeko helburuarekin eta gainerakoek dantzarekin jarraitzen dute. Zortzikolaria gainerako dantzarien eta bere bikotearen kontrako posizioan jartzen da, hau da, jendeari bizkarra emanez eta bikotearen pare parean, eta bikoeari eskubiko eskua ematen dio; zortzikolariak atzeraka dantzatzen du eta bira egin behar duenean buelta bat eman ordez buelta eta erdi emango du hanka jendeari begira goratzeko. Bitartean, bi nesken bila joan den mutil bikotea plazara itzultzen da. Hauek hilara batean kokatzen dira, eskutik hartu gabe eta neskak erdian daudelarik, dantzariekiko kanpoko aldetik paraleloki mugitzen dira erritmo mantxoago batean eta zortzikolaria aurreratu gabe.
Jarraian dantzariek eskutik hartuta hilara bakar bat osatzen dute plaza erdigunera begiratuz, neskak dakartzan bikotea iristea itxoiten dute. Hauek hilara buru aurretik pasatzen dira eta aurretik doan mutilak hilarako lehen bikotearen esku elkarketa, txapelarekin edo eskuarekin, banatzen du eta bertan neska kokatuz berriro eskuak elkar hartzen dituzte. Ondoren, bigarren neska hilarako azken bi mutilengana eramaten dute eta bikote honen esku elkarketa apurtu ondoren, bertan neska kokatzen da. Mutil bikote berdina gainerako nesken bila doa (gutxienez beste 5) eta era berean mutilen artean kokatzen joanen dira. Nahi duten neska guztiek parte hartu dezakete, bikoterik ez duten neska guztiek elkarrekin jarriko dira azken mutil bikotearen artean.
Posizio honetan eta danbolinaren errepikea entzuten delarik, hirugarren pertsona bat plazan sartuko da ardo pitxar eta zilarrezko kikarak dakartzalarik. Zortzikolariarengana doa eta ardo kikara eskaintzen dio, honek berriz, bere ondoan duen neskari eskaintzen dio lehenengo. Ardo eskaintza, dantzari guztiei egin ondoren eta banatzaileak plaza uzten duenean, dantzariak eskutik hartu eta danbolinaren errepikea bukatzen da.
Hirugarren atala: deia jotzen da, baina oraingo honetan ez da salturik egiten eta zortzikolariari laguntzen dion neskak buelta ematen du zubi bat eginez. Aurreko ataletan eginiko koreografia errepikatzen da kasu honetan oinez dantzatu beharrean saltoak emanez dantzatzen da. Behin atal hau bukatu denean, deia jotzen da eta dantzariak gelditzen dira.
Laugarren atala: Soka dantza: kalejira bat da eta bere erritmoa azkartzen doa soka apurtu arte edo dantzariak plazatik atera arte.
Dantza Urdiaingo jota eta porrusaldarekin bukatzen da.